रुकुम(पूर्व) मा दुई गाउँपालिकाका अध्यक्ष उपाध्यक्षले पदभार ग्रहण गरेका छन् । जिल्लाको सिस्ने गाउँपालिका र भूमे गाउँपालिकाका अध्यक्ष र उपाध्यक्षले पदभार ग्रहण गरेका हुन् । सिस्ने गाउँपालिकामा नव निर्वाचित पालिका अध्यक्ष कृष्ण रेग्मि र उपाध्यक्ष गोपाल रेउलेले पदभार ग्रहण गर्नुभएको हो ।
यस्तै भूमे गाउँपालिकामा पनि पालिका अध्यक्ष होमप्रकाश श्रेष्ठ र उपाध्यक्ष सविना बुढाले पदभार ग्रहण गर्नुभएको हो । पदभार ग्रहण कार्यक्रममा दुवै पालिकामा निवर्तमान अध्यक्ष, उपाध्यक्षसँगै वडाध्यक्ष, वडा सदस्यहरु र नव निर्वाचित वडाका पदाधिकारीहरुको उपस्थिती रहेको थियो । पदभार ग्रहण गरेसँगै अब उहाँहरुले पालिकाबाट हुने नियमित कामकाज गर्नुहुने छ । वडाध्यक्ष र वडा सदस्यहरुले भने सबन्धित वडा पालिकामा गएर पदभार ग्रहण गर्नुहुने छ ।
पुथाउत्तरगंगा गाउँपालिकामा भने केहि दिनमा पदभार ग्रहणको काम हुने बताइएको छ । २०७४ सालको स्थानीय तह निर्वाचनबाट निर्वाचित भइ आएका जनप्रतीनिधीको कार्यकाल आजदेखि सकिएको छ ।
