रुकुमकोटः आज दिनभर गण्डकी, लुम्बिनी र सुदूरपश्चिम प्रदेशमा ठूलो पानी पर्ने अनुमान छ । यी प्रदेशको तराई क्षेत्रमा आज हावाहुरी पनि चल्ने छ । ठूलो पानीका कारण पहिरोले सडकअवरुद्ध हुनसक्ने मौसम पूर्वअनुमान महाशाखाले जनाएको छ । यात्रामा सर्तकता अपनाउन तथा बाढी, चट्याङ्ग र हावाहुरी कारण हुन सक्ने जोखिम वा क्षतिबाट जोगिन सावधानी अपनाउन पनि महाशाखाको अनुरोध छ ।
महाशाखाका अनुसार आज देशभरको मौसम बदली रहने छ । गण्डकी, लुम्बिनी, कर्णाली र सुदूरपश्चिम प्रदेशका धेरै ठाउँमा पानी पर्ने तथा बाँकी कोशी, मधेश र बाग्मती प्रदेशका केही ठाउँमा पनि हल्का वर्षाको सम्भावना रहेको महाशाखाले जनाएको छ ।
अन्तिम अपडेट: असार १६, २०८०
