जयराम केसी
रुकुम(पूर्व) को सिस्ने गाउँपालिका वडा नम्बर २ ले सहिद परिवारलाई सम्मान गरेको छ । वडाले सहिद सप्ताहको अवसर पारी वडाका १३ जना सहिद परिवारलाई सम्मान गरेको हो । जनयुद्धको क्रममा सहादत प्राप्त गरेका सहिदहरुको सम्मान तथा सम्झनामा सहिद परिवारलाई सम्मान गरेको वडाले् जनाएको छ ।
प्रत्येक व्यक्तिलाई सम्मान स्वरुप फाइबर सिरक प्रदान गरिएको वडाध्यक्ष जिवन केसीले जानकारी दिनुभयो । सहिद परिवारलाई सम्मान गर्ने कार्यक्रममा बोल्दै सहिद पुत्र समेत रहनुभएका वडाध्यक्ष केसीले सहिदहरुको सपना पुरा गर्ने अभियानमा आफुहरु लागिरहेको बताउनुभयो ।
वडाध्यक्ष केसीको अध्यक्षतामा भएको सहिद परिवार सम्मान कार्यक्रममा गाउँ कार्यपालिका सदस्य बसन्ती घर्ती, वडा सदस्य जयबहादुर पुन, हिमालय माध्यामिक विद्यालयका प्रधानाध्यापक मोहनकुमार रोकालगाएतको आतीथ्यता रहेको थियो । र्काक्रमको सञ्चालन लेखा तथा प्रशासन सहायक कृष्ण खड्काले गर्नुभएको थियो ।
