रुकुम (पूर्व) को पुथाउत्तरगंगा गाउँपालिकाले जनयुद्ध दिवसको अवसर पारी घाइते, अपाङ्ग, बेपत्ता तथा सहिद परिवारलाई सम्मान गरेको छ । गाउँपालिकाले २७ औ जनयुद्ध दिवसको अवसर परी गाउँपालिकाको केन्द्र तकसेरामा सम्मान कार्यक्रमको आयोजना गरेको थियो । गाउँपालिका उपाध्यक्ष ओमकुमारी शाही मल्लले गाउँपालिका भित्रका एक सय २४ जनालाई सम्मान गरेको बताउनुभयो ।

सहिद परिवार ८९ जना र घाइते ३५ जनालाई सम्मान गरिएको हो । उनिहरु सबैलाई खादा र नगद दुईदुई हजारले सम्मान गरिएको छ । जनयुद्ध दिवसको अवसर पारी आयोजना गरिएको घाइते, अपाङ्ग, बेपत्ता तथा सहिद परिवार सम्मान कार्यक्रममा शुभकामना आदानप्रदान तथा चियापान गरिएको छ ।