रुकुम(पूर्व) मा जिल्ला निर्वाचन परिचालन समिति संयोजकको जिम्मेवारी तेजबहादुर ओलीलाई दिइएको छ । नेकपा माओवादी केन्द्रका केन्द्रिय सदस्य एवम् जिल्ला इन्चार्ज ओलीको संयोजकत्वमा जिल्ला निर्वाचन परिचालन समिति निर्माण गरिएको हो ।
बुधबार भूमे गाउँपालिकाको खाबाङमा बसेको नेकपा माओवादी केन्द्र जिल्ला समन्वय समितिको बैठकबाट ओलीको संयोजकत्वमा जिल्ला निर्वाचन परिचालन समिति निर्माण गरिएको हो । यो समितिमा जिल्ला समन्वय समितिका सबै, प्रदेश सल्लाहकारका सदस्य, ज्येष्ठ कम्यूनिष्ट मञ्चका सदस्य रहनेछन् ।
यस समितिले निर्वाचन सम्बन्धि प्रचारप्रसार देखि लिएर व्यवस्थापनको काम गर्ने छ ।
