रुकुम(पूर्व) मा एक महिलाको शव फेला परेको छ । जिल्लाको पुथाउत्तरगंगा गाउँपालिका वडा नम्बर ११ मा महिलाको शव फेला परेको जिल्ला प्रहरी कार्यालय रुकुम(पूर्व) ले जानकारी दिएको छ । शव सोही वडाको उपल्लो सेरास्थित ३९ वर्षिया जुनमाया बुढाको रहेको जिल्ला प्रहरी नायव उपरिक्षक प्रकाश डाँगीले जानकारी दिनुभयो ।
आजैमात्र उपल्लो सेरास्थित जंगलमा स्थानीयले शव देखेपछि प्रहरीलाई खबर गरेका थिए । प्रहरी अहिले घटनास्थलमा पुगेर पनि पोष्टमार्टवको लागि महिलाको शवलाई रुकुम(पूर्व) अस्पतालमा ल्याइरहेको डिएसपी डाँगीले बताउनुभयो । पोष्टमार्टवको रिपोर्ट आएपछि मात्र घटनाको बारेमा खुल्ने उहाँको भनाई छ ।
घटनाको बारेमा थप अनुसन्धान भइरेको जिल्ला प्रहरी कार्यालय रुकुम(पूर्व) ले जानकारी दिएको छ ।
