रुकुम(पूर्व) को पुथाउत्तरगंगा गाउँपालिका वडा नम्बर २ पेल्मामा मतदान सुरु भएको छ । २९ गते साझ नेकपा माओवादी केन्द्र र नेपाली कांग्रेसबिच भएको झडपको कारण आज बिहान ७ बजे सुरु हुन नसकेको मतदान दिउसो १२ बजेर ५ मिनेटमा सुरु भएको जिल्ला प्रहरी कार्यालय रुकुम(पूर्व) का प्रहरी नायव उपरिक्षक प्रकाश डाँगीले जानकारी दिनुभयो ।
जिल्लाको अन्य सबै मतदान केन्द्रमा बिहान ७ बजेबाटै मतदान सुरु भएपनि पुथाउत्तरगंगा गाउँपालिका २ नम्बर वडाको प्राथमिक विद्यालय पेल्मामा रहेको मतदान केन्द्रमा विवाद आउदा १२ बजेर ५ मिनेट जादा मात्र मतदान सुरु भएको डिएसपी डाँगीले बताउनुभयो ।
पेल्मामा २९ गते बिहिबार साझ नेकपा मोओवादी केन्द्र र नेपाली कांग्रेस बिचमा झडप भएको थियो । कांग्रेसले चुनावमा भाग नलिने समेत बताएको थियो । अहिले दुवै पक्षलाई सहमतीमा ल्याएर मतदान गर्ने वातावरण मिलाइएको उहाँले बताउनुभएको छ ।
