हिकमत प्रोतल/रुकुम(पूर्व)
रुकुम(पूर्व) को पुथाउत्तरगंगा गाउँपालिका वडा नम्बर २ मा पनि नेकपा माओवादी केन्द्रको प्यानलै विजयी भएको छ । यस वडामा नेकपा माओवादी केन्द्रका जसबहादुर श्रीपाली विजयी हुनुभएको हो । उहाँले एमाले कांग्रेस गठबन्धनका उम्मेद्वार कर्णबहादुर बुढालाई पछि पार्दै २ सय ३४ मत ल्याएर विजयी हासिल गर्नुभएको हो । बुढाले १ सय ८९ मत प्राप्त गर्नुभएको हो ।
माओवादी केन्द्रबाटै २ सय ३९ मत ल्याएर दलित महिला सदस्यमा मायाधन कामी, २ सय ४३ मत ल्याएर औसी बुढा महिला सदस्यमा, २ सय ३४ मत ल्याएर मनिराम मुन र २ सय ३६ मत ल्याएर खाल पुन खुला सदस्यमा विजयी हुनुभएको छ । २ नम्बर वडामा कुल ४ सय ९२ मतदाता रहेकोमा ४ सय २४ मत खसेको थियो ।
