रुकुमकोट । गण्डकी, कर्णाली र सुदूरपश्चिम, प्रदेशका पहाडी भू–भागका एक–दुई स्थानमा शुक्रबार मेघजर्गन र चट्याङसहित हल्का वर्षाको सम्भावना छ।
महाशाखाका वरिष्ठ मौसमविद् वरुण पौडेलका अनुसार पश्चिमी वायुको प्रभावका साथै प्रि–मनसुन गतिविधि पनि सक्रिय रहेकाले वर्षाको सम्भावना छ।
विशेषगरी देशका पहाडी भेगमा मेघजर्गन र चट्याङसहित वर्षाको सम्भावना छ भने मध्य र पश्चिम तराईका एक–दुई स्थानमा हावाहुरीको सम्भावना छ।
महाशाखाका अनुसार आज बिहान कोशी, बागमती, गण्डकी र सुदूरपश्चिम प्रदेशका पहाडी भू–भागमा आंशिकदेखि सामान्यतया बदली रहेको छ।
महाशाखाले हावाहुरी र चट्याङबाट हुनसक्ने क्षतिबाट बच्न सावधानी अपनाउन सुझाव समेत दिएको छ ।
