रुकुमकोट: रुकुम पश्चिमको बाँफिकोट गाउँपालिका ३ र ५ मा रहेको स्यार्पूतालमा पौडि खेल्न गएकी एक बालिका डुबेर बेपत्ता भएकी छिन् ।
बाँफिकोट गाउँपालिका वडा नम्वर ३ निवासी डिलबहादुर बि.क.की ११ वर्षिय छोरी टिका बि.क.पोडि खेल्ने क्रममा डुबेर बेपत्ता भएको जिल्ला प्रहरी कार्यालय रुकुम पश्चिमका सूचना अधिकारी एवम् प्रहरी निरीक्षक धर्मेन्द्र खड्काले जानकारी दिनुभयो ।
साथीहरुसँग पौडि खेल्न गएकी उनी डुबेर बेपत्ता भएको तर उनका अन्य साथीहरु भने सकुशल रहेको स्थानीयले बताएका छन ।
बेपत्ता बालिकाको अहिले खोजी कार्य भइरहेको प्रहरीले जानकारी दिएको छ । उनी स्यार्पुताल माध्यमिक विद्यालयमा कक्षा ४ मा अध्ययनरत छिन ।
