रुकुमकोट: रुकुम पश्चिममा सुत्केरी व्यथा लागेकी एक महिलालाई हेलिकोप्टर मार्फत उद्धार गरिएको छ । जिल्लाको आठविसकोट नगरपालिका वडा नम्वर ३ की २१ वर्षिया मनिषा शाहीलाई हेलिकोप्टरबाट उद्धार गरिएको हो ।
सुत्केरी व्यथा लागेको लामो समयसम्म सुत्केरी हुन नसकेपछि हेलिकोप्टर मार्फत उद्धार गरेर शाहीलाई सुर्खेत पठाईएको जिल्ला प्रशासन कार्यालय रुकुम पश्चिमले जानकारी दिएको छ ।
सुत्केरी व्यथा लागेकी उहाँलाई स्यालाखदी स्वास्थ्य चौकीमा पुर्याइएको थियो । त्यहाँ सुत्केरी हुन नसकी अवस्था जटिल बन्दै गएपछि राष्ट्रपति महिला उत्थान कार्यक्रम मार्फत नेपाली सेनाको हेलिकप्टरद्वारा उद्दार गरिएको हो ।
