रुकुम(पूर्व) मा माघ १४ गते आज शनिबार दिनभर केन्द्रिय प्रशारण लाइनको विद्युत सेवा अवरुद्ध हुने भएको उछ । नेपाल विद्युत प्राधिकरण सल्यान वितरण केन्द्र अन्तर्गत तुलसिपुर–सल्यान ३३ के.भि. लाइनको विभिन्न ठाउँमा विद्युत लाइन मर्मत तथा लाइन छेउछाउका रुखका हाँगाबिगाँ काटानी सम्बन्धिको कार्य हुने भएको कारण रुकुम(पूर्व) का विद्युत सेवा अवरुद्ध हुने भएको हो ।
शितलपाटी सवस्टेसनबाट विद्युत सप्लाइ हुने सबै स्थानमा आज शनिबारका दिन बिहान ८ बजेदेखि बेलुका ६ बजेसम्म विद्युत सेवा बन्द हुने नेपाल विद्युत प्राधिकरण रुकुम(पूर्व) वितरण केन्द्रले एक सुचना जारी गर्दै जानकारी गराएको छ । रुकुम(पूर्व) सँगै रुकुम(पश्चिम) मा पनि सल्यानको शितलपाटी सस्टेसनबाटै सप्लाई भएको विद्युत आउने हो । आजको दिनभर रुकुम(पूर्व) र रुकुम (पश्चिम) को विद्युत सेवा अवरुद्ध हुने भएको छ ।
