रुकुम(पूर्व) को सिस्ने गाउँपालिका वडा नम्बर ३ मा एक जना पुरानो कम्युनिष्ट नेताले नेकपा माओवादी केन्द्रमा प्रवेश गर्नुभएको छ । सिस्ने गाउँपालिका वडा नम्बर ३ निवासी बालाराम खड्काले वडा पार्टी कार्यालयमा आयोजित एक कार्यक्रमको बीचमा सोमबार पार्टी प्रवेश गर्नुभएको हो ।
नेकपा माओवादी केन्द्र सिस्ने गाउँ संगठन समितिका सदस्यहरु गोपिराम खड्का, हेराम खड्का, लोकेन्द्र खड्का, वडा समिति अध्यक्ष नन्दराम लामीछाने र वडा समिति सदस्य बालकबहादुर खड्काले अविर लगाएर उहाँलाई पार्टी प्रवेश गराउनु भएको हो । उहाँ साविक पोखरा गाउँ पन्चायतदेखिका पुराना कम्युनिष्ट नेता हुनुहुन्छ ।
