वाईसीएल नेपाल केन्द्रीय सदस्य एवम् रुकुम पूर्व जिल्ला इन्चार्ज समाजसेवी तथा एम.बि. ग्रुप प्रा.लि.का सञ्चालक मन बहादुर बुढाथोकी (बिद्राेही) ले विपन्न, दलित तथा जेहेन्दार विद्यार्थीहरुलाई सहयोग गर्नुभएको छ । बुधबार बुढाथोकीले त्रिभुवन जनता माध्यमिक विद्यालय छिप्रिदहमा पुगेर विद्यालयका प्रधानाध्यापक मदन कुमार गौतमलाई नगद १० हजार रुपैयाँ हस्तान्तरण गर्नुभएको हाे ।

आफु ३५ वर्ष पुगेको अवसर पारि विपन्न, दलित तथा जेहेन्दार विद्यार्थीहरुलाई थाेरै भएपनि सहयोग हाेस भनेर नगद सहयोग गरेको बुढाथोकीले बताउनुभएको छ । बुढाथोकीले आफू पनि सामान्य परिवारबाट हुर्केको कुरा स्मरण गर्दै आफुले सानै उम्मेरमा अभिभावक गुमाउनुपरेकाे पिडाले द:खलाई आफुले नजिकबाट नियालेकाे बताउनुभएको छ । बुढाथोकीले त्यस्तै विभिन्न अभाव र समस्याबाट आफु पनि गुज्रिएकाले त्यो पिडालाई बुझेर विपन्न विद्यार्थीहरुलाई सहयोग गरेको बताउनुभएको छ ।

नगद रकम बुझ्दै विद्यालयका प्रधानाध्यापक मदन कुमार गौतमले याे रकम विपन्न, दलित तथा जेहेन्दार विद्यार्थीहरुलाई नै प्रदान गर्ने बताउनुभएको छ । प्रधानाध्यापक गौतमले यसरी जन्म दिनको खर्च कटाएर विद्यार्थीहरुकाे भविष्य सम्झिदै नगद सहयोग गर्नु भनेको याे सराहनीय काम भएको उल्लेख गर्दै विद्यालयकाे तर्फबाट बुढाथोकी प्रति धन्यवाद ज्ञापन गर्नुभएको हाे । प्रधानाध्यापक गौतमले विद्यालयमा विपन्न, दलित तथा जेहेन्दार विद्यार्थीहरुकाे पहिचान गरि नगद रकमलाई सबैको सामु विद्यार्थीकै हातमा पुग्ने गरि विद्यालयले काम गर्ने प्रतिबद्धता पनि व्यक्त गर्नुभएको छ ।