रुकुम(पूर्व) को सिस्ने गाउँपालिका अध्यक्षमा नेकपा माओवादी केन्द्रका कृष्ण रेग्मि निर्वाचित हुनुभएको छ । उहाँले एमाले–कांग्रेस गठबन्धनका उम्मेद्वारलाई पराजित गर्दै पालिका अध्यक्षमा विजयी हासिल गर्नुभयो ।
रेग्मिले ३ हजार ७ सय ७९ मत प्राप्त गर्नुभएको छ । उहाँका प्रतिस्पर्धी एमाले–कांग्रेस गठबन्धनबाट दत्तबहादुर बस्नेतलले ३ हजार ७ सय मत प्राप्त गर्नुभयो । यस्तै गठबन्धनबाटै एमालेका गोपाल रेउले उपाध्यक्षमा निर्वाचित हुनुभएको छ । उहाँले ३ हजार ७ सय ६१ मत प्राप्त गर्नुभयो । उहाँका प्रतिद्धोन्दि नेकपा माओवादी केन्द्रक आस्था विकले ३ हजार ४ सय ७४ मत प्राप्त गर्नुभयो ।
यस्तै पालिका अध्यक्षमा राप्रका उम्मेद्वार सुधिर विक्रम शाहीले १७ मत प्राप्त गर्दा नेमकिपाका कालो खड्काले ३ मत प्राप्त गर्नुभयो । ८ वटा वडा रहेको सिस्ने गाउँपालिकामा ४ वटा वडा माओवादीले जितेको छ भने ३ वटा वडा एमाले र एउटा वडा कांग्रेसले जितेको छ । गएको स्थानीय तह चुनावमा सिस्ने गाउँपालिकाको अध्यक्ष उपाध्यक्षसँगै ६ वटा वडामा माओवादीले जितेको थियो ।
