रुकुम(पूर्व) को रुकुमकोटमा ब्याडमिन्टन प्रतियोगिता सम्पन्न भएको छ । निजामती सेवा दिवसको अवसरमा कर्मचरी मिलान केन्द्र रुकुम(पूर्व) ले आयोजना गरेको मैत्रिपूर्ण ब्याडमिन्टन प्रतियोगिता आज सम्पन्न भएको हो ।
प्रतियोगितामा पुरुषतर्फ ए र बी समुहका गरी ४० जोडि र महिलातर्फ पाँच जोडिले प्रतिस्पर्धा गरेका थिए । ए समुहमा रहेका १८ जोडिको प्रतिस्पर्धाबाट केशव अस्लामी र इन्द्र बुढाको जोडी विजेता बन्दा छवी मगर प्रकाश बुढाको जोडी उपविजेता बनेको छ । केशव र इन्द्रको जोडी सेमिफाइनलमा सुवर्ण केसी र रविन खड्काको जोडिलाई हराउदै फाइनल प्रवेश गरेको थियो भने उपविजेता छवी र प्रकाशको जोडी महेन्द्र पुन र इश्वर रावलको जोडीलाई हराउदै फानल प्रवेश गरेको थियो ।
यस्तै २२ जोडीले प्रतिस्पर्धा गरेको समुह बी तर्फ रामचन्द्र दाहाल र चन्द्रदेव खड्काको जोडी विजेता बनेको छ भने विपिन पाता मगर र सागर सुनारको जोडी उपविजेता बनेको छ । रामचन्द्र र चन्द्रदेवको जोडीले हरि खतीवडा र विजय शाहीको जोडीलाई हराउदै फाइनल प्रवेश गरेको थियो भने विपिन र सागरको जोडी मित्रलाल पौडेल र थलबहादुर बस्नेतको जोडीलाई हराउदै फाइनल प्रवेश गरेको थियो ।
यस्तै पाँच टिमले प्रतिस्पर्धा गरेको महिलातर्फको प्रतियोगितामा सृष्टि बुढा र एभान्जिला मुन मगरको जोडी विजयी बन्दा हिरा मल्ल र दिपा केसीको जोडी उपविजेता बनेको छ । सृष्टि र एभान्जिलाको जोडीले कोपिला ओली र सपना बुढाको जोडीलाई हराउदै एवम् हिरा र दिपाको जोडीले मन्दिरा डाँगी र अस्मिता ओलीको जोडीलाई हराउदै फाइनल प्रवेश गरेका थिए ।
