बिरस थापा
रुकुमकोट: नेपाल विद्युत प्राधिकरण रुकुम पुर्व वितरण केन्द्रले ३८ औ वर्ष सफलतापुर्वक पार गरेको अवसरमा विविध खेलकुद प्रतियोगिता सम्पन्न गरेको छ । प्राधिकरणले शुक्रवार रुकुमकोटमा तीन हजार मिटर म्याराथन दौड, स्लो बाईक रेस, घैटो फोर र कुर्सी रेस प्रतियोगिता सम्पन्न गरेको छ
।
नेपाल विद्युत प्राधिकरण रुकुम पुर्वमा कार्यरत कर्मचारीहरु बिच मैत्रीपुर्ण प्रतिस्पर्धा भएको हो । तीन हजार मिटर म्याराथन दौड प्रतियोगितामा प्राधिकरणका गोविन्द पौडेल प्रथम हुँदा प्राधिकरणकै बिरस थापा दोस्रो र खिमबहादुर खड्का तेस्रो हुनुभएको छ ।
२० मिटरको स्लो बाईक रेस प्रतियोगितामा लक्ष्मण श्रेष्ठ प्रथम हुनुभएको छ । उहाँले ५४.९ सेकेन्डमा निर्धारित दुरि पार गर्नुभएको थियो । यस्तै घैटोफोर र कुर्सी रेस प्रतियोगितामा खिम बहादुर खडका प्रथम हुनुभएको छ ।
प्राधिकरणले आयोजना गरेको बुद्धिचाल प्रतियोगितामा कार्यालय प्रमुख सुरेश प्रसाद चौधरी प्रथम हुनुभएको प्रशासन प्रमुख लोकेन्द्र पुनले जानकारि दिनुभयो । उहाँका अनुसार प्रतियोगितामा स्थान हासिल गर्ने कर्मचारीलाई कप प्रमाणपत्र र नगदसहित सम्मान गरिएको छ ।
