सोमबार साझ बागलुङमा भएको बस दुर्घटनामा परी ज्यान गुमाएकाहरुको सनाखत भएको छ । रुकुम पश्चिमबाट काठमाडौं जादैँ गरेको बागमती प्रदेश ०१-००६ ख ३८७९ नम्बरको बस सोमबारका दिन साझ ५ बजेतीर बागलुङको निसीखोला गाउँपालिका ६ स्थित जाउलेपानीमा दुर्घटना भएको थियो ।
दुर्घटनामा परी ४ महिला ५ पुरुष गरी ९ जनाको मृत्यु भएको छ । मृत्यु हुनेमा मुसिकोट नगरपालिका रुकुम पश्चिम २ राउखेतका सवारी धनी बबि ददेल विक‚ मुसिकोट नगरपालिका १ की विनिता केसी‚ मुसिकोट ४ सोलाबाङकी टिका केसी‚ रोल्पा घर भएका गाडी चालक सुवास गौतम भनिने मानसींह विक‚ दाङका लक्की पुन मगर रहेको जिल्ला प्रहरी बागलुङले जानकारी दिएको छ । मुसिकोट नगरपालिका ३ का कल्पना केसी‚ गोर्खाकी गिता थापा‚ रुकुम पूर्वका बिक्रम परियार र ललितपुरका सुजन महर्जनको सनाखत भएको जिल्ला प्रहरी कार्यालय बागलुङका प्रहरी नायव उपरिक्षक मदन केसीले जानकारी दिनुभएको छ ।
अहिले घाइतेहरुको उपचार भइरहेको छ । मृतक ७ जनाको सव भने हिजो साझ नै रुकुम पूर्व अस्पतालमा ल्याइपुर्याइएको छ । उनिहरुको केहि बेरमा पोष्टमार्टव गरिने प्रहरीले बताएको छ ।
