उपनिर्वाचन-रुकुम पूर्वको पुथाउत्तरगंगा गाउँपालिकाको उपाध्यक्ष पदको लागि मतदान जारी छ । गाउँपालिकाको विभिन्न मतदान केन्द्रबाट बिहान उम्मेदवार र पालिकाभित्रका प्रदेश सांसदहरुबाट मतदान कार्यको सुरुआत भएको थियो ।
नेकपा माओवादी केन्द्रका गाउँपालिका उपाध्यक्षका उम्मेदवार नरपुरा बुढा पुनले बिहान ७ः २५ मा वडा नम्बर १२ को पर्वत मावि कोलबाट मतदान गर्नु भएको हो ।
यस्तै एमाले र काँग्रेसका संयुक्त उम्मेदवार केशकुमारी तुलाचनले वडा नम्बर ९ खाराबाङबाट ७ः ४१ म मतदान गर्नु भएको हो । यस्तै लुम्बिनी प्रदेश सभा सदस्य दिल कुमारी बुढाले वडा नम्बर १० को तक केन्द्रबाट मत खसाल्नुभएको छ ।
पुथाउत्तरगंगा गाउँपालिकामा ११ हजार १ सय ८० जना मतदाता रहेका छन् । यस गाउँपालिकामा २२ वटा मतदान केन्द्र रहेका छन् ।
